News

[English Below]

အပြည်ပြည်ဆိုင်ရာလေကြောင်းခရီးစဉ်ပြေးဆွဲခွင့် ရပ်ဆိုင်းခြင်းကာလအား စက်တင်ဘာလ (၃၀) ရက်နေ့ထိ တိုးမြှင့်သတ်မှတ်

မြန်မာနိုင်ငံ လေကြောင်းပို့ဆောင်ရေးညွှန်ကြားမှုဦးစီးဌာန၏ ၂၀၂၁ ခုနှစ်၊ ဩဂုတ်လ (၃၀) ရက်နေ့ ထုတ်ပြန်ချက်အရ ရန်ကုန်အပြည်ပြည်ဆိုင်ရာလေဆိပ်၌ အပြည်ပြည်ဆိုင်ရာခရီးသည်တင်လေယာဉ်များ ပျံသန်းပြေးဆွဲခွင့်ကန့်သတ်ချက်ကို ၂၀၂၁ ခုနှစ်၊ စက်တင်ဘာလ (၃၀) ရက်နေ့၊ မြန်မာစံတော်ချိန် ၂၃၅၉ နာရီ အထိ ထပ်မံတိုးမြှင့်လိုက်သည်။

မြန်မာနိုင်ငံအတွင်း COVID-19 ရောဂါ ကူးစက်ပြန့်ပွားမှုကို ထိရောက်စွာထိန်းချုပ်နိုင်ရန် မူလသတ်မှတ်ထားသည့် ရပ်ဆိုင်းခြင်းကာလကို ထပ်မံတိုးမြှင့်ရန် မြန်မာနိုင်ငံ COVID-19 ကာကွယ်၊ ထိန်းချုပ်၊ ကုသရေးဆိုင်ရာ ဗဟိုကော်မတီမှ သဘောတူဆုံးဖြတ်လိုက်သည်။

ခရီးသည်များအနေဖြင့် မိမိတို့၏ ခရီးစဉ်များနှင့် ပက်သက်ပြီး သိရှိလိုသည်များကို သက်ဆိုင်ရာ လေကြောင်းလိုင်းများထံသို့ တိုက်ရိုက်စုံစမ်းမေးမြန်းနိုင်ပါသည်။

[English Below]

ကူးစက်မြန်ကပ်ရောဂါ COVID-19 ကာကွယ်၊ ထိန်းချုပ်၊ ကုသရန် အတွက် ဆေးဘက်ဆိုင်ရာ အထောက်အကူပြုပစ္စည်းများ သယ်ဆောင်လာသည့် Biman Bangladesh လေယာဉ်အား ရန်ကုန်အပြည်ပြည်ဆိုင်ရာလေဆိပ်မှ ကြိုဆို

မြန်မာနိုင်ငံတွင်လည်း ကြုံတွေခံစားနေရသော ကူးစက်မြန် ကမ္ဘာ့ကပ်ရောဂါ COVID-19 ကာကွယ်၊ ထိန်းချုပ်၊ ကုသရန် အတွက် အိန္ဒိယသမ္မတနိုင်ငံမှ ပေးပို့လှူဒါန်းသော ဆေးဘက်ဆိုင်ရာ အထောက်အကူပြုပစ္စည်းများ သယ်ဆောင်လာသည့် Biman Bangladesh လေယာဉ်အမှတ် BG-4098 အား ရန်ကုန်အပြည်ပြည်ဆိုင်ရာလေဆိပ်တွင် (၂၀၂၁) ခုနှစ်၊ ဩဂုတ်လ (၂၀) ရက်နေ့တွင် လက်ခံကြိုဆိုခဲ့ပါသည်။

ရန်ကုန်အပြည်ပြည်ဆိုင်ရာလေဆိပ်သည် နိုင်ငံတဝှမ်း ကူးစက်မြန်ကပ်ရောဂါကြုံတွေ့ရင်ဆိုင်နေရသော ကာလတွင် အလွန်အရေးပါသော ကယ်ဆယ်ရေးနှင့် ကုန်တင်လေယာဉ်များကို ဝန်ဆောင်မှုပေးနေခြင်းဖြင့် နိုင်ငံနှင့်ပြည်သူများအတွက် တစ်ဖက်တစ်လမ်းမှ ပါဝင်ခွင့်ရသည့်အတွက် အထူးဂုဏ်ယူမိပါသည်။ ဆက်လက်၍လည်း YIA အနေဖြင့် ကယ်ဆယ်ရေးနှင့် ကုန်စည်သယ်ယူပို့ဆောင်ရေး ခရီးစဉ်များအား စွမ်းစွမ်းတမံ ဝန်ဆောင်မှုပေးသွားမည် ဖြစ်ပါသည်။

[English Below]

Yangon Aerodrome Company Limited (YACL) မှ လေကြောင်းပို့ဆောင်ရေးညွှန်ကြားမှုဦးစီးဌာနသို့ ကူးစက်မြန်ရောဂါ COVID-19 ကာကွယ်ရေး အထောက်အကူပြု ပစ္စည်းများ ပေးအပ်လှူဒါန်း

ရန်ကုန်အပြည်ပြည်ဆိုင်ရာလေဆိပ်အား စီမံခန့်ခွဲဝန်ဆောင်မှုပေးလျှက်ရှိသော Yangon Aerodrome Company Limited (YACL) သည် ကူးစက်မြန်ရောဂါ COVID-19 တတိယလှိုင်းကို တိုက်ဖျက်ရန် ပူးပေါင်းကြိုးပမ်းမှု တစ်စိတ်တစ်ပိုင်းအဖြစ် COVID-19 ကာကွယ်ရေး အထောက်အကူပြု ဆေးဘက်ဆိုင်ရာ ပစ္စည်းများကို ၂၀၂၁ ခုနှစ်၊ ဩဂုတ်လ (၁၆) ရက်နေ့တွင် လေကြောင်းပို့ဆောင်ရေးညွှန်ကြားမှုဦးစီးဌာနသို့ လှူဒါန်းခဲ့သည်။ အဆိုပါ လှူဒါန်းမှုကို လေကြောင်းပို့ဆောင်ရေးညွှန်ကြားမှုဦးစီးဌာနရုံးခန်းတွင် ပြုလုပ်ခဲ့ပြီး လေကြောင်းပို့ဆောင်ရေးညွှန်ကြားမှုဦးစီးဌာန ညွှန်ကြားရေးမှူးချုပ် ဦးကျော်စိုး နှင့် တာဝန်ရှိသူများ၊ YACL ၏ စီမံခန့်ခွဲမှု တာဝန်ရှိသူ အဖွဲ့ဝင်များ တက်ရောက်ခဲ့ကြပါသည်။

ပါဝင်လှူဒါန်းခဲ့သည့် ဆေးဝါးအထောက်အကူပြုပစ္စည်းများစာရင်း

• အောက်ဆီဂျင်အသက်ရှူစက် (Medical Grade Oxygen Concentrator) x (၅) လုံး
• လက်သန့်ဆေးရည် (၉ လီတာ) x ဘူး (၅၀) (စုစုပေါင်း ၄၅၀ လီတာ)
• တစ်ခါသုံး ပါးစပ်နှာခေါင်းစည်း Mask x အခု (၁၀၀၀၀)

ကူးစက်မြန်ရောဂါ COVID-19 တတိယလှိုင်းသည် မြန်မာတစ်နိုင်ငံလုံး နှင့် လေကြောင်းပို့ဆောင်ဆက်သွယ်ရေးကဏ္ဍကိုပါ ထိခိုက်မှုများဖြစ်စေလျှက်ရှိသည်။ COVID-19 ကပ်ရောဂါဆိုင်ရာ စိန်ခေါ်မှု အခြေအနေအရပ်ရပ်အား သက်ဆိုင်ရာ အာဏာပိုင်အဖွဲ့အစည်းများ၏ လမ်းညွှန်များနှင့်အညီ လိုအပ်သော ကြိုတင်ကာကွယ်ရေးအစီအမံများအား လုပ်ဆောင်လျှက်ရှိပါသည်။ YACL သည် ၎င်း၏ ချမှတ်ထားသော လုပ်ငန်းဦးတည်ရည်မှန်းချက် တစ်စိတ်တစ်ပိုင်းဖြစ်သည့် လေဆိပ်ဝန်ဆောင်မှုလုပ်ငန်း အဆင်ပြေချောမွေ့စွာ လည်ပတ်စေရေး နှင့် လေဆိပ်ဝန်ဆောင်မှု အသုံးပြုသူများ၊ လေကြောင်းဆိုင်ရာ မိတ်ဖက်၊ စီးပွားဖက်များ၏ ကျန်းမာဘေးကင်းစွာ လုပ်ငန်းလည်ပတ်လုပ်ဆောင်နိုင်စေရေးတို့အတွက် လေကြောင်းပို့ဆောင်ရေးညွှန်ကြားမှုဦးစီးဌာနနှင့်အတူတကွ ပူးပေါင်း၍ COVID-19 ကာကွယ်တိုက်ဖျက်ရေးလုပ်ငန်းစဉ်များတွင် အားဖြည့်ဝန်ဆောင်မှုပေးလျှက်ရှိပါသည်။

ယခုလှူဒါန်းမှူသည် ပြည်သူလူထု၏ ကျန်းမာရေး နှင့် COVID-19 ကာကွယ်ခြင်း၊ ထိန်းသိမ်းခြင်း နှင့် ကုသခြင်းတို့အတွက် ကျန်းမာရေးရှုထောင့်အသီးသီးတွင် အထောက်အပံ့ကောင်း ဖြစ်စေမည် ဖြစ်ပါသည်။

[English Below]

အပြည်ပြည်ဆိုင်ရာလေကြောင်းခရီးစဉ်ပြေးဆွဲခွင့်ရပ်ဆိုင်းခြင်းကာလအား သြဂုတ်လ (၃၁) ရက်နေ့ထိ တိုးမြှင့်သတ်မှတ်

မြန်မာနိုင်ငံ လေကြောင်းပို့ဆောင်ရေးညွှန်ကြားမှုဦးစီးဌာန၏ ၂၀၂၁ ခုနှစ်၊ ဇူလိုင်လ (၃၁) ရက်နေ့ ထုတ်ပြန်ချက်အရ ရန်ကုန်အပြည်ပြည်ဆိုင်ရာလေဆိပ်၌ အပြည်ပြည်ဆိုင်ရာခရီးသည်တင်လေယာဉ်များ ပျံသန်းပြေးဆွဲခွင့်ကန့်သတ်ချက်ကို ၂၀၂၁ ခုနှစ်၊ သြဂုတ်လ (၃၁) ရက်နေ့၊ မြန်မာစံတော်ချိန် ၂၃၅၉ နာရီ အထိ ထပ်မံတိုးမြှင့်လိုက်သည်။

မြန်မာနိုင်ငံအတွင်း COVID-19 ရောဂါ ကူးစက်ပြန့်ပွားမှုကို ထိရောက်စွာထိန်းချုပ်နိုင်ရန် မူလသတ်မှတ်ထားသည့် ရပ်ဆိုင်းခြင်းကာလကို ထပ်မံတိုးမြှင့်ရန် မြန်မာနိုင်ငံ COVID-19 ကာကွယ်၊ ထိန်းချုပ်၊ ကုသရေးဆိုင်ရာ ဗဟိုကော်မတီမှ သဘောတူဆုံးဖြတ်လိုက်သည်။

ခရီးသည်များအနေဖြင့် မိမိတို့၏ ခရီးစဉ်များနှင့် ပက်သက်ပြီး သိရှိလိုသည်များကို သက်ဆိုင်ရာ လေကြောင်းလိုင်းများထံသို့ တိုက်ရိုက်စုံစမ်းမေးမြန်းနိုင်ပါသည်။

[English Below]

ရန်ကုန်အပြည်ပြည်ဆိုင်ရာလေဆိပ် Domestic Terminal (Terminal 3) ရှိ Gate-4 အား ပြန်လည်အသုံးပြုနိုင်ပြီဖြစ်

ရန်ကုန်အပြည်ပြည်ဆိုင်ရာလေဆိပ်တွင် မိုးရာသီကာလအတွင်း ခရီးသည်များနှင့် လေဆိပ်အသုံးပြုသူများ ပိုမိုအဆင်ပြေချောမွေ့သော ဝန်ဆောင်မှုရရှိစေရေးအတွက် Terminal 3 ရှိ Gate 4 တွင်အမိုးအကာအား တိုးချဲ့ဆောက်လုပ်ခြင်းအား ၂၀၂၁ ခုနှစ်၊ မေလ (၂၁) ရက်နေ့တွင် စတင်ဆောင်ရွက်ခဲ့ရာ ယခုအခါ ဆောင်ရွက်ပြီးစီးခဲ့ပြီဖြစ်သဖြင့် ၂၀၂၁ ခုနှစ်၊ ဇူလိုင်လ (၁၂) ရက်နေ့တွင် ပုံမှန်အတိုင်း ပြန်လည်အသုံးပြုလျှက်ရှိပြီ ဖြစ်ပါသည်။

သို့ဖြစ်ပါ၍ လေဆိပ်အသုံးပြုသူ ခရီးသည်များအနေဖြင့်

• Gate 1 နှင့် 4 ကို ဝင် / ထွက်ပေါက် အဖြစ်လည်းကောင်း
• Gate 3 ကို ထွက်ပေါက် အဖြစ်လည်းကောင်း အသုံးပြုသွားပါရန် အသိပေးအပ်ပါသည်။

လေဆိပ်ဝန်ဆောင်မှုအသုံးပြုသူ ခရီးသည်များအနေဖြင့်

• ဘေးကင်းလုံခြုံစိတ်ချမှုရှိသော ခရီးစဉ်အတွက် လေဆိပ်အဆောက်အအုံအတွင်း ချမှတ်ထားသော ပြည်သူ့ကျန်းမာရေးဆိုင်ရာ အစီအမံများအား တိကျစွာလိုက်နာကြပါရန် နှင့်
• မိမိတို့၏ ယာဉ်များရပ်နားရာတွင် သတ်မှတ်ထားသော ယာဉ်ရပ်နားရမည့်နေရာကိုသာ အသုံးပြုရပ်နားပေးကြရန်လည်း YACL မှ တိုက်တွန်းအပ်ပါသည်။ 

ခရီးသည်များအားလုံး ဘေးကင်းကျန်းမာကြပါစေ။