News

Update: 19 March 2021

ပြည်တွင်း ပုံမှန် လေကြောင်းခရီးစဉ်များ ပြေးဆွဲရာတွင် လိုက်နာရမည့် ကျန်းမာရေးစံသတ်မှတ်ချက်များ

Standard Operation Procedure - SOP [Version-2.2] အရ ခရီးသည်များအနေဖြင့် ပြည်တွင်း လေကြောင်း ခရီးစဉ်များတွင် လိုက်ပါစီးနင်းရန် လေယာဉ်လက်မှတ်များကို ပြည်တွင်း Ticketing Agents များတွင် ဖြစ်စေ၊ သက်ဆိုင်ရာလေကြောင်းလိုင်းများနှင့် Online Agents များတွင် မည်သည့် ကျန်းမာရေးထောက်ခံချက်မျှ မလိုအပ်ပဲ ဝယ်ယူကာ စီးနင်းနိုင်ပြီ ဖြစ်ပါသည်။

သို့ရာတွင် ဖျားခြင်း၊ ချောင်းဆိုးခြင်း၊ ရုတ်တရက် အနံ့အရသာပျောက်ဆုံးခြင်း၊ ပိုးတွေ့လူနာနှင့် ရက်သတ္တပါတ် (၂) ပါတ်အတွင်း ထိတွေ့ခဲ့ခြင်း အစရှိသည့် COVID-19 သံသယဖြစ်ဖွယ် ရောဂါလက္ခဏာ နှင့် အခြေအနေများ အလုံးစုံ ကင်းစင်မှသာ သတ်မှတ်လေကြောင်းခရီးစဉ်တွင် လိုက်ပါစီးနင်းခွင့်ပြုမည်ဖြစ်ပါသည်။

လေကြောင်းခရီးစဉ်များတွင် စီးနင်းလိုက်ပါမည့် ခရီးသည်များအနေဖြင့် လိုက်နာရမည့် ကျန်းမာရေးဆိုင်ရာစံသတ်မှတ်ချက်ဆိုင်ရာ အသေးစိတ်အချက်အလက်များကို မိမိစီးနင်းမည့် သက်ဆိုင်ရာ လေကြောင်းလိုင်းများထံ စုံစမ်းနိုင်ပါသည်။

Domestic Travelers' Advisory: Standard Operation Procedure - SOP [Version-2.2]

According to the Standard Operation Procedure - SOP [Version-2.2], domestic travelers can purchase the domestic air ticket at local ticketing agents, airliners, or online ticketing agents and is no longer required to submit a health certificate.

However, for travelers with a history of fever, cough, sudden loss of odor, or contact with an infected patient within two weeks period of time will not be allowed on board.

For more details, the domestic travelers are advised to contact respective airlines for travel arrangements.

[English Below]

အပြည်ပြည်ဆိုင်ရာလေကြောင်းခရီးစဉ်ပြေးဆွဲခွင့်ရပ်ဆိုင်းခြင်းကာလအား မတ်လ (၃၁) ရက်နေ့ထိ တိုးမြှင့်သတ်မှတ်

မြန်မာနိုင်ငံ လေကြောင်းပို့ဆောင်ရေးညွှန်ကြားမှုဦးစီးဌာန၏ ၂၀၂၁ ခုနှစ်၊ ဖေဖော်ဝါရီလ ၂၇ ရက်နေ့ ထုတ်ပြန်ချက်အရ ရန်ကုန်အပြည်ပြည်ဆိုင်ရာလေဆိပ်၌ အပြည်ပြည်ဆိုင်ရာခရီးသည်တင်လေယာဉ်များ ပျံသန်းပြေးဆွဲခွင့်ကန့်သတ်ချက်ကို ၂၀၂၁ ခုနှစ်၊ မတ်လ (၃၁) ရက်နေ့၊ မြန်မာစံတော်ချိန် ၂၃၅၉နာရီအထိ ထပ်မံတိုးမြှင့်လိုက်သည်။

မြန်မာနိုင်ငံအတွင်း COVID-19 ရောဂါ ကူးစက်ပြန့်ပွားမှုကို ထိရောက်စွာထိန်းချုပ်နိုင်ရန် မူလသတ်မှတ်ထားသည့် ရပ်ဆိုင်းခြင်းကာလကို ထပ်မံတိုးမြှင့်ရန် မြန်မာနိုင်ငံ COVID-19 ကာကွယ်၊ ထိန်းချုပ်၊ ကုသရေးဆိုင်ရာ ဗဟိုကော်မတီမှ သဘောတူဆုံးဖြတ်လိုက်သည်။

ခရီးသည်များအနေဖြင့် မိမိတို့၏ ခရီးစဉ်များနှင့် ပက်သက်ပြီး သိရှိလိုသည်များကို သက်ဆိုင်ရာ လေကြောင်းလိုင်းများထံသို့ တိုက်ရိုက်စုံစမ်းမေးမြန်းနိုင်ပါသည်။

Suspension of International Flights Operation extended till 31 March 2021

According to the notice from the Department of Civil Aviation issued on 27 February 2021, the earlier restrictions for all international airlines operating air services to and from the Yangon International Airport have been further extended up to 31 March 2021, 2359 Hours MST.

To continue to contain the spread of COVID-19 in Myanmar effectively, the National Central Committee for Prevention, Control, and Treatment of COVID-19 has approved further to extend the effective period of the Temporary Measures.

Travelers are advised to check with respective airlines or travel agents for updates on schedules.

[English Below]

အပြည်ပြည်ဆိုင်ရာလေကြောင်းခရီးစဉ်ပြေးဆွဲခွင့်ရပ်ဆိုင်းခြင်းကာလအား ဖေဖော်၀ါရီလ (၂၈) ရက်နေ့ထိ တိုးမြှင့်သတ်မှတ်

မြန်မာနိုင်ငံ လေကြောင်းပို့ဆောင်ရေးညွှန်ကြားမှုဦးစီးဌာန၏ ၂၀၂၁ ခုနှစ်၊ ဇန်န၀ါရီလ ၃၀ ရက်နေ့ ထုတ်ပြန်ချက်အရ ရန်ကုန်အပြည်ပြည်ဆိုင်ရာလေဆိပ်၌ အပြည်ပြည်ဆိုင်ရာခရီးသည်တင်လေယာဉ်များ ပျံသန်းပြေးဆွဲခွင့်ကန့်သတ်ချက်ကို ၂၀၂၁ ခုနှစ်၊ ဖေဖော်၀ါရီလ၂၈ ရက်နေ့၊ မြန်မာစံတော်ချိန် ၂၃၅၉နာရီအထိ ထပ်မံတိုးမြှင့်လိုက်သည်။

[English Below]

COVID-19 ကာကွယ်ဆေးများသယ်ဆောင်လာသည့် Air India လေယာဉ်အား ရန်ကုန်အပြည်ပြည်ဆိုင်ရာလေဆိပ်မှ ကြိုဆို

မြန်မာနိုင်ငံအတွက် ပထမဆုံးအကြိမ်အဖြစ် COVID-19 ကာကွယ်ဆေးအလုံးရေတစ်သန်းခွဲ သယ်ဆောင်လာသည့် Air India လေယာဉ်အမှတ် AI-1234  အား ရန်ကုန်အပြည်ပြည်ဆိုင်ရာလေဆိပ်တွင် ယနေ့လက်ခံကြိုဆိုခဲ့ပါသည်။

[English Below]

ရန်ကုန် - မြန်မာ၊ ဇန်နဝါရီလ ၂၂ ရက်၊ ၂၀၂၁ ခုနှစ် - ရန်ကုန်အပြည်ပြည်ဆိုင်ရာလေဆိပ်အား စီမံခန့်ခွဲဝန်ဆောင်မှုပေးလျက်ရှိသော Yangon Aerodrome Company Limited (YACL) သည် ရန်ကုန်တိုင်းဒေသကြီး အစိုးရအဖွဲ့ နှင့် ကျန်းမာရေး နှင့် အားကစားဝန်ကြီးဌာနတို့မှ ပြီးခဲ့သည့် ၂၀၂၀ ခုနှစ် ဒီဇင်ဘာလမှ စတင်၍ အစပျိုးလုပ်ဆောင်ခဲ့သော “Stop COVID-19 Yellow Campaign” အဝါရောင်လူထု အသိပညာပေး အစီအစဉ်တွင် ပူးပေါင်းပါဝင်ခဲ့သည်။ အဆိုပါ လူထုအသိပညာပေးလှုပ်ရှားမှုအား “ပါးစပ်နှာခေါင်းစည်းတပ်ဆင်ရန်၊ ပုံမှန် လက်ဆေးရန်၊ နေ့စဉ်ဘဝတွင် တစ်ဦးနှင့်တစ်ဦး ခပ်ခွာခွာနေစေရန်” သတိပြုမိစေရေးအတွက် “New Normal, New Living, New Yangon” ဆောင်ပုဒ်ဖြင့် ယနေ့ ၂၀၂၀ ခုနှစ်၊ ဇန်နဝါရီလ ၂၂ ရက်နေ့ နံနက် (၈) နာရီတွင် ရန်ကုန်အပြည်ပြည်ဆိုင်ရာလေဆိပ်၊ Terminal 1 ၌ ပြုလုပ်ဆောင်ရွက်ခဲ့ပါသည်။