News

[English Below]

ရန်ကုန်အပြည်ပြည်ဆိုင်ရာလေဆိပ် ဝန်ဆောင်မှုလုပ်ငန်းများအား စီမံခန့်ခွဲလျှက်ရှိသော Yangon Aerodrome Company Limited (YACL) သည် IndiGo လေကြောင်းလိုင်း၏ အကြိမ်ရေ (၁၀၀) ပြည့်အဖြစ် ပျံသန်းပြေးဆွဲလာသော ကုန်စည်သယ်ယူပို့ဆောင်ရေး ခရီးစဉ် (Cargo Flight) ၊ ခရီးစဉ်အမှတ် 6E-9960 အား ရန်ကုန်အပြည်ပြည်ဆိုင်ရာလေဆိပ်၌ ယနေ့ ကြိုဆိုခဲ့ပါသည်။

ဤကပ်ဘေးကာလအတွင်း၌ ပျံသန်းပြေးဆွဲခဲ့သော IndiGo လေကြောင်းလိုင်း၏ ကုန်စည်သယ်ယူပို့ဆောင်ရေး လေယာဉ်ခရီးစဉ်များ (non-scheduled charter flights) သည် ယနေ့ ၂၀၂၀ ခုနှစ်၊ နိုဝင်ဘာလ (၁၈) ရက်နေ့ ၌ ပျံသန်းပြေးဆွဲမှု အကြိမ်ရေ (၁၀၀) ပြည့်မြောက်ခဲ့ခြင်းကို ရန်ကုန်အပြည်ပြည်ဆိုင်ရာလေဆိပ်အနေဖြင့် ဂုဏ်ယူဝမ်းမြောက်မိပါသည်။

အိန္ဒိယနိုင်ငံ၏ မြို့တော် ကာလကတ္တား နှင့် ရန်ကုန် ချိတ်ဆက် ပျံသန်းပြေးဆွဲနေသည့် IndiGo လေကြောင်းလိုင်း၏ ကုန်စည်သယ်ယူပို့ဆောင်ရေး လေယာဉ်ခရီးစဉ်များ (non-scheduled charter flights) ကို ၂၀၂၀ ခုနှစ်၊ မေလ (၁) ရက်နေ့မှစ၍ ပျံသန်းပြေးဆွဲခဲ့ပြီး၊ ဆေးဝါးနှင့်ဆေးပစ္စည်းများ၊ အခြေခံလူသုံးကုန်ပစ္စည်းများကို သယ်ယူပို့ဆောင်ပေးခဲ့သည်။

[English Below]

ပြည်တွင်းလေကြောင်းခရီးစဉ်ပြေးဆွဲခွင့် ရပ်ဆိုင်းခြင်းကာလအား နိုဝင်ဘာလ (၃၀) ရက်နေ့ထိ တိုးမြှင့်သတ်မှတ်

မြန်မာနိုင်ငံအတွင်း COVID-19 ရောဂါ ပြည်တွင်းကူးစက်ပျံ့နှံ့မှုကို ထိရောက်စွာ ထိန်းချုပ်နိုင်ရန်အတွက် ရန်ကုန်အပြည်ပြည်ဆိုင်ရာလေဆိပ်၊ ပြည်တွင်း Terminal - 3 ရှိ ပြည်တွင်းလေကြောင်းခရီးစဉ်များ ပျံသန်းပြေးဆွဲမှု ရပ်ဆိုင်းကာလကို (၁၅-၁၁-၂၀၂၀) မှ (၃၀-၁၁-၂၀၂၀) အထိ တိုးမြှင့် သတ်မှတ်ထားကြောင်း အသိပေးအပ်ပါသည်။

သို့ဖြစ်ပါ၍ ခရီးသည်များအနေဖြင့် မိမိတို့၏ ပြည်တွင်းလေကြောင်းခရီးစဉ်ပြောင်းလဲမှုများနှင့် အသေးစိတ် ကိစ္စရပ်များအတွက် ဖော်ပြပါ သက်ဆိုင်ရာလေကြောင်းလိုင်းအသီးသီး၏ တရားဝင် Facebook စာမျက်နှာ နှင့် Website များမှတစ်ဆင့် တိုက်ရိုက် ဆက်သွယ်စုံစမ်းနိုင်ပါရန် အကြုံပြုအပ်ပါသည်။

မိဘပြည်သူများအားလုံး COVID-19 ရောဂါ ဘေးအန္တရာယ်မှ ကင်းရှင်းကြပါစေကြောင်း ဆုတောင်းအပ်ပါသည်။

[English Below]

ရန်ကုန် - မြန်မာ၊ အောက်တိုဘာလ ၂၇ ရက်၊ ၂၀၂၀ ခုနှစ် - မြန်မာနိုင်ငံ လေကြောင်းပို့ဆောင်ရေးညွှန်ကြားမှုဦးစီးဌာန၏ ၂၀၂၀ ခုနှစ်၊ အောက်တိုဘာလ ၂၆ ရက်နေ့ ထုတ်ပြန်ချက်အရ ရန်ကုန်အပြည်ပြည်ဆိုင်ရာလေဆိပ်၌ ခရီးသည်တင်လေယာဉ်များ ပျံသန်းပြေးဆွဲခွင့်ကန့်သတ်ချက်များကို ထပ်မံတိုးမြှင့်လိုက်သည်။

[English Below]

Domestic Travel Advisory: ပြည်တွင်းလေကြောင်းခရီးစဉ်ပြေးဆွဲမှုများရပ်ဆိုင်းမှု အောက်တိုဘာလ (၃၁) ရက်နေ့အထိ တိုးမြှင့်သတ်မှတ်

မြန်မာနိုင်ငံအတွင်း COVID-19 ရောဂါကူးစက်ပျံ့နှံ့မှုကို ထိန်းချုပ်ကာကွယ်နိုင်ရန်နှင့် ချမှတ်ထားသောကျန်းမာရေးဆိုင်ရာလမ်းညွှန်ချက်များကို ထိထိရောက်ရောက် လိုက်နာနိုင်ရန်အတွက် ရန်ကုန်အပြည်ပြည်ဆိုင်ရာလေဆိပ်၊ ပြည်တွင်း Terminal - 3 တွင် ပျံသန်းပြေးဆွဲနေသော ပြည်တွင်းလေကြောင်းလိုင်းများအားလုံး၏ ပုံမှန်လေကြောင်းခရီးစဉ်များအား (၂-၁၀-၂၀၂၀) မှ (၃၁-၁၀-၂၀၂၀) အထိ ထပ်မံ၍ တိုးမြှင့်ရပ်ဆိုင်းထားမည်ဖြစ်ပါသည်။

ခရီးသည်များအနေဖြင့် မိမိတို့၏ ပြည်တွင်းခရီးစဉ်ပြောင်းလဲမှုများနှင့် အသေးစိတ်အကြောင်းအရာများအတွက် ဖော်ပြပါ သက်ဆိုင်ရာလေကြောင်းလိုင်းများ၏ တရားဝင် Facebook စာမျက်နှာ နှင့် Website များတွင် တိုက်ရိုက်ဆက်သွယ်မေးမြန်းနိုင်ပါရန် အကြုံပြုအပ်ပါသည်။

မိဘပြည်သူများအားလုံး တတ်နိုင်သမျှ မိမိတို့နေအိမ်တွင်သာနေထိုင်ခြင်းဖြင့် COVID – 19 ကို အတူတကွ တိုက်ထုတ်ကြပါစို့။

(1) Air Thanlwin
www.airthanlwin.com
www.facebook.com/airthanlwin

(2) Air KBZ
www.airkbz.com
www.facebook.com/AIRKBZ

(3) Golden Myanmar Airlines
www.gmairlines.com
www.facebook.com/GMAirlines

(4) Mann Yadanarpon Airlines
www.airmyp.com
www.facebook.com/MannYadanarPonAirlines

(5) Myanmar National Airlines
www.flymna.com
www.facebook.com/MyanmarNationalAirlines

[English Below]

ရန်ကုန် - မြန်မာ၊ စက်တင်ဘာလ ၂၄ ရက်၊ ၂၀၂၀ ခုနှစ် - မြန်မာနိုင်ငံ လေကြောင်းပို့ဆောင်ရေးညွှန်ကြားမှုဦးစီးဌာန၏ ၂၀၂၀ ခုနှစ်၊ စက်တင်ဘာလ ၂၄ ရက်နေ့တွင် ထုတ်ပြန်ချက်အရ ရန်ကုန်အပြည်ပြည်ဆိုင်ရာလေဆိပ်၌ အပြည်ပြည်ဆိုင်ရာခရီးသည်တင်လေယာဥ်များ  ပျံသန်းပြေးဆွဲခွင့်ကန့်သတ်ချက်ကို အောက်တိုဘာလ (၃၁) ရက်၊ မြန်မာစံတော်ချိန် ၂၃၅၉ နာရီ အထိ  ထပ်မံတိုးမြှင့်လိုက်သည်။