News

[English Below]

ရန်ကုန် - မြန်မာ၊ ဧပြီလ ၂၄ ရက်၊ ၂၀၂၀ ခုနှစ် - မြန်မာနိုင်ငံ လေကြောင်းပို့ဆောင်ရေးညွှန်ကြားမှုဦးစီးဌာန၏ ထုတ်ပြန်ချက်အရ ရန်ကုန်အပြည်ပြည်ဆိုင်ရာလေဆိပ်၌ အပြည်ပြည်ဆိုင်ရာခရီးသည်တင်လေယာဉ်များ  ပျံသန်းပြေးဆွဲခွင့်ကန့်သတ်ချက်ကို မေလ ၁၅ ရက်၊ မြန်မာစံတော်ချိန် ၂၃၅၉ နာရီအထိ  ထပ်မံတိုးမြှင့်လိုက်ပြီဖြစ်ပါသည်။

[English Below]

ရန်ကုန် - ဧပြီလ ၂၄ ရက် ၊ ၂၀၂၀ ခုနှစ် - မြန်မာနိုင်ငံ၏ အဓိကလေကြောင်းဝင်ထွက်ပေါက်ဖြစ်သော ရန်ကုန်အပြည်ပြည်ဆိုင်ရာလေဆိပ် (“YIA”) သည် ၂၀၂၀ ခုနှစ်၊ ပထမသုံးလတာကာလအတွင်း လေဆိပ်အသုံးပြုသူ ခရီးသည်ပေါင်း ၁.၄၆ သန်း ကို လက်ခံ၀န်ဆောင်မှုပေးခဲ့ပါသည်။ ကူးစက်မြန်ကပ်ရောဂါ COVID-19 ကြောင့် ကမ္ဘာလှည့် ခရီးသွားလာခွင့် ကန့်သတ်ချက်များနှင့်အတူ ကမ္ဘာ့လေကြောင်းသယ်ယူပို့ဆောင်ရေးကဏ္ဍတွင် စိန်ခေါ်မှုများ ရင်ဆိုင်နေရသောကြောင့် ယမန်နှစ်ကာလတူနှင့် နှိုင်းယှဉ်ပါက ၁၇.၁၄ ရာခိုင်နှုန်းကျဆင်းခဲ့ပါသည်။

[English Below]

လေဆိပ်အသုံးပြုသူ ခရီးသွားများအနေဖြင့်

လတ်တလော ဖြစ်ပွားလျက်ရှိသော ကူးစက်ရောဂါအခြေအနေများအရ သင်၏ ကျန်းမာရေးကို အကာအကွယ်ပေးနိုင်ရန် မိမိတို့ကိုယ်ပိုင် ရေခွက် သို့မဟုတ် ရေဘူးများအား အသုံးပြုပေးကြပါရန် အသိပေးအပ်ပါသည်။

YACL စီမံခန့်ခွဲမှုအဖွဲ့

[English Below]

ရန်ကုန် - မြန်မာ၊ ဧပြီလ ၁၁ ရက်၊ ၂၀၂၀ ခုနှစ် - မြန်မာနိုင်ငံ၊ ကျန်းမာရေးနှင့် အားကစားဝန်ကြီးဌာနနှင့် လေကြောင်း ပို့ဆောင်ရေးညွှန်ကြားမှုဦးစီးဌာနတို့၏ ထုတ်ပြန်ချက်အရ ရန်ကုန်အပြည်ပြည်ဆိုင်ရာလေဆိပ်၌ အပြည်ပြည်ဆိုင်ရာ ခရီးသည်တင်လေယာဉ်များ ဆိုက်ရောက်ခွင့်ကို မတ်လ ၃၀ ရက် မှ ဧပြီလ ၁၃ ရက်အထိ ယာယီရပ်ဆိုင်းထားခဲ့ပြီး ဖြစ်ပါသည်။

အထက်ဖော်ပြပါ ယာယီရပ်ဆိုင်းချက်အား ပြန်လည်သုံးသပ်ပြီးနောက် ကူးစက်မြန် COVID-19 ရောဂါ မြန်မာနိုင်ငံတွင်း ကူးစက်ပြန့်ပွားမှု အစောပိုင်းအဆင့်ကို ပိုမိုထိရောက်သော ပြင်ဆင်မှုများ၊ တုံ့ပြန်ကာကွယ်ရေးလုပ်ငန်းစဉ်များဖြင့် ထိရောက်စွာ ထိန်းချုပ်နိုင်ရန် အချိန်ပိုမိုရရှိစေရေးအတွက် မြန်မာနိုင်ငံ ကျန်းမာရေးနှင့် အားကစားဝန်ကြီးဌာန ၊ COVID-19 ကာကွယ်၊ ထိန်းချုပ်၊ ကုသရေးဆိုင်ရာ ဗဟိုကော်မတီ၏ ခွင့်ပြုချက်ဖြင့် အဆိုပါ ယာယီရပ်ဆိုင်းချက်အား ၂၀၂၀ ခုနှစ်၊ ဧပြီလ ၃၀ ရက် မြန်မာစံတော်ချိန် ၂၃ နာရီ ၅၉ မိနစ်အထိ တိုးမြှင့်သတ်မှတ်လိုက်ကြောင်း ဧပြီလ ၁၁ ရက်နေ့တွင် ထုတ်ပြန်ကြေညာလိုက်ပါသည်။

[English Below]

ရန်ကုန် - မတ်လ ၂၉ ရက်၊ ၂၀၂၀ ခုနှစ် - မြန်မာနိုင်ငံ၊ ကျန်းမာရေးနှင့် အားကစားဝန်ကြီးဌာနနှင့် လေကြောင်းပို့ဆောင်ရေးညွှန်ကြားမှုဦးစီးဌာနတို့၏ ထုတ်ပြန်ချက်နှင့်အညီ ရန်ကုန်အပြည်ပြည်ဆိုင်ရာလေဆိပ်နှင့် မြန်မာနိုင်ငံရှိ မည်သည့်လေဆိပ်၌မဆို အပြည်ပြည်ဆိုင်ရာ ခရီးသည်တင်လေယာဉ်များ ဆိုက်ရောက်ခွင့်ကို ရပ်ဆိုင်းသွားတော့မည် ဖြစ်ပါသည်။ ဤကြေညာချက်သည် မတ်လ ၃၀ ရက်၊ မြန်မာစံတော်ချိန် ၂၃၅၉ နာရီမှ စတင်၍ ဧပြီလ ၁၃ ရက်၊ မြန်မာစံတော်ချိန် ၂၃၅၉ နာရီအထိ အကျုံးဝင်သက်ရောက်သွား မည်ဖြစ်ပါသည်။

Yangon, Myanmar 29 March 2020 – According to the notice from the Ministry of Health and Sports and Department of Civil Aviation, the landing of all international commercial passenger flights will not be allowed at Yangon International Airport (“YIA”) and any other airport in Myanmar, with effective from 30 March 2359 hours MST up to 13 April 2359 hours MST.