News

TRAVEL ADVISORY (INTERNATIONAL)

နိုင်ငံတကာလေကြောင်းခရီးစဉ်များ ပျံသန်းပြေးဆွဲခွင့် ယာယီကန့်သတ်ချက်အား ဖြေလျှော့ပေးခြင်း

ကျန်းမာရေးဝန်ကြီးဌာန၏ ၁၉-၃-၂၀၂၂ ရက်စွဲဖြင့် ထုတ်ပြန်သော ကြေညာချက် (Lifting the Temporary Measures to Prevent Importation of COVID-19 to Myanmar through Air Travel) အား လေကြောင်းပို့ဆောင်ရေးညွှန်ကြားမှုဦးစီးဌာနမှ ၁၉-၃-၂၀၂၂ ရက်နေ့တွင် Circular 3/2022 ထုတ်ပြန်၍ မြန်မာနိုင်ငံ မှ/သို့ နိုင်ငံတကာခရီးစဉ် ပျံသန်းသည့် လေကြောင်းလိုင်း၊ လေဆိပ် Operator များထံသို့ အသိပေး အကြောင်းကြားခဲ့ပါသည်။ အဆိုပါ ကြေညာချက်တွင် ကိုဗစ်-၁၉ ရောဂါ ကာကွယ်၊ ထိန်းချုပ်၊ ကုသ ရေးဗဟိုကော်မတီက မြန်မာနိုင်ငံ၏ နိုင်ငံတကာခရီးသွားလုပ်ငန်း ဖွံ့‌ဖြိုးတိုးတက်စေရန်နှင့် မြန်မာနိုင်ငံသို့ လာရောက်မည့် နိုင်ငံခြားသားများနှင့် မြန်မာနိုင်ငံသားများ နိုင်ငံတွင်းသို့ ဝင်ရောက်ရာတွင် လွယ်ကူချောမွေ့စေရန်အတွက် အောက်ပါတို့ကို သဘောတူအတည်ပြုပြီးဖြစ်ကြောင်း ပါရှိပါသည်။

           (က) Temporary Measures ၏ သက်ရောက်မှုကာလကို ၁၆-၄-၂၀၂၂ ရက်နေ့ မြန်မာစံတော်ချိန် ၂၃၅၉ နာရီအထိ သတ်မှတ်ခြင်း၊

           (ခ) နိုင်ငံတကာခရီးသည်တင် လေကြောင်းခရီးစဉ်များ (International Commercial Passenger Flights) မြန်မာနိုင်ငံ မှ/သို့ ပျံသန်းမှုကို ကိုဗစ်-၁၉ ရောဂါဆိုင်ရာ                        ပြည်ဝင်ခွင့်စည်းကမ်းသတ် မှတ်ချက်များနှင့်အညီ ၁၇-၄-၂၀၂၂ ရက်နေ့ (မြန်မာနှစ်ဆန်းတစ်ရက်နေ့) မြန်မာစံတော်ချိန် ၀၀၀၀ နာရီမှစတင်၍ ပြန်လည်ပြေးဆွဲပျံသန်း                   ခြင်း တို့ဖြစ်ပါသည်။ 

YACL အနေဖြင့် လေဆိပ်အသုံးပြုသူများအတွက် လုံခြုံစိတ်ချမှုရှိပြီး သန့်ရှင်းသည့် ခရီးသွား၀န်းကျင်တစ်ခု ဖြစ်စေရန် ပြည်သူ့ကျန်းမာရေး (Public Health Safety) အတွက် လိုအပ်သောလုပ်ဆောင်ချက်များနှင့် စံသတ်မှတ်ချက်များကို ဆက်လက် တိုးမြှင့်လုပ်ဆောင်သွားမည်ဖြစ်ပါသည်။

ခရီးသွားများ၊ လေကြောင်းလိုင်း၀န်ထမ်းများနှင့် လေဆိပ်၀န်ထမ်းများအားလုံး လိုက်နာရမည့် ကျန်းမာရေးဆိုင်ရာ စံသတ်မှတ်ချက်များ နှင့် ခရီးသွားလာမှုဆိုင်ရာ ညွှန်ကြားချက်များကို သက်ဆိုင်ရာဌာနများမှ ထုတ်ပြန်ပေးသည်နှင့်တပြိုင်နက် ရန်ကုန်အပြည်ပြည်ဆိုင်ရာလေဆိပ်၏ တရား၀င်စာမျက်နှာများတွင် ထပ်မံဖော်ပြပေးသွားပါမည်။

Immediate Release: [English Below]

YANGON AERODROME COMPANY LIMITED ၏ ထုတ်ပြန်ချက်

ရန်ကုန်၊ မြန်မာ၊ (၂၀၂၂) ခုနှစ်၊ မတ်လ (၂) ရက်နေ့ 

"လေကြောင်းလိုင်းများနှင့်တကွ လေဆိပ်ဝန်ဆောင်မှုပေးနေသော လုပ်ငန်းအဖွဲ့အစည်းများအနေဖြင့် ယနေ့လက်ရှိတွင် ကြုံတွေ့နေရသည့် ကျန်းမာရေးဆိုင်ရာ ထပ်တိုးလိုအပ်ချက်များ၊ ကုန်စည်စီးဆင်းမှုတွင် နှောင့်နှေးကြန့်ကြာမှုများနှင့် မြင့်မားလာသောလောင်စာဆီဈေးနှုန်းများ တို့သည် ခရီးသွားကဏ္ဍ ကုန်ကျစရိတ်များ တိုးမြင့်လာနိုင်မှုအလားအလာအတွက် ပေါင်းစပ်စိန်ခေါ်မှု တစ်ခုဖြစ်လာနိုင်ကြောင်း မျှော်လင့်ထားပါသည်။ YACL အနေဖြင့်လည်း နိုင်ငံတွင်းလေကြောင်းကဏ္ဍ ပြန်လည်ထူထောင်ရေးအတွက် အထောက်အပံ့ဖြစ်စေရန် ရည်ရွယ်၍ ခရီးသွားကဏ္ဍကုန်ကျစရိတ်များ တိုးမြှင့်လာမှုကို လျှော့ချနိုင်ရန် ကြိုးပမ်းသွားမည် ဖြစ်သည်။

မကြာသေးမီက လူမှုကွန်ယက်စာမျက်နှာများတွင် ပျံ့နှံ့နေခဲ့သော သတင်းပါ အချက်အလက်များအရ YACL သည် လေယာဉ်ဆီတင်သွင်းခြင်း (သို့) သယ်ယူပို့ဆောင်ခြင်း၊ ဖြန့်ဖြူးရောင်းချခြင်းလုပ်ငန်းများလုပ်ဆောင်နေခြင်း လုံးဝမရှိသကဲ့သို့ အခြား မည်သည့်နေရာတွင်မျှ ပါဝင်ပတ်သက်ခြင်းမရှိကြောင်း ဖြည့်စွက်ပြောကြားလိုပါသည်။ YACL သည် ရန်ကုန်အပြည်ပြည်ဆိုင်ရာလေဆိပ်အား ဖွံ့ဖြိုးတိုးတက်မှုရှိစေရန်အတွက် မြန်မာနိုင်ငံ လေကြောင်းပို့ဆောင်ရေးညွှန်ကြားမှုဦးစီးဌာန-DCA နှင့် အပြည်ပြည်ဆိုင်ရာမြို့ပြလေကြောင်းအဖွဲ့အစည်း- ICAO တို့၏ လမ်းညွှန်ချက်များအတိုင်းလိုက်နာ၍ ပွင့်လင်းမြင်သာမှုရှိစွာ ဝန်ဆောင်မှုပေးနေခြင်းသာ ဖြစ်သည်။"

မြန်မာဘာသာဖြင့် ထုတ်ပြန်ချက် အပြည့်အစုံအား ဖတ်ရှုရန် ဤနေရာကို နှိပ်ပါ။

[English Below]

အပြည်ပြည်ဆိုင်ရာလေကြောင်းခရီးစဉ်ပြေးဆွဲခွင့် ရပ်ဆိုင်းခြင်းကာလအား ၂၀၂၂ ခုနှစ်၊ မတ်လ (၃၁) ရက်နေ့ထိ တိုးမြှင့်သတ်မှတ်

မြန်မာနိုင်ငံ လေကြောင်းပိုဆောင်ရေးညွှန်ကြားမှုဦးစီးဌာန၏ ၂၀၂၂ ခုနှစ်၊ ဖေဖော်ဝါရီလ (၂၈) ရက်နေ့ ထုတ်ပြန်ချက်အရ ရန်ကုန်အပြည်ပြည်ဆိုင်ရာလေဆိပ်၌ အပြည်ပြည်ဆိုင်ရာခရီးသည်တင်လေယာဉ်များ ပျံသန်းပြေးဆွဲခွင့်ကန့်သတ်ချက်ကို ၂၀၂၂ ခုနှစ်၊ မတ်လ (၃၁) ရက်နေ့၊ မြန်မာစံတော်ချိန် ၂၃၅၉ နာရီ အထိ ထပ်မံတိုးမြှင့်လိုက်သည်။

မြန်မာနိုင်ငံအတွင်း COVID-19 ရောဂါ ကူးစက်ပြန့်ပွားမှုကို ထိရောက်စွာထိန်းချုပ်နိုင်ရန် မူလသတ်မှတ်ထားသည့် ရပ်ဆိုင်းခြင်းကာလကို ထပ်မံတိုးမြှင့်ရန် မြန်မာနိုင်ငံ COVID-19 ကာကွယ်၊ ထိန်းချုပ်၊ ကုသရေးဆိုင်ရာ ဗဟိုကော်မတီမှ သဘောတူဆုံးဖြတ်လိုက်သည်။

ခရီးသည်များအနေဖြင့် မိမိတို့၏ ခရီးစဉ်များနှင့် ပက်သက်ပြီး သိရှိလိုသည်များကို သက်ဆိုင်ရာ လေကြောင်းလိုင်းများထံသို တိုက်ရိုက်စုံစမ်းမေးမြန်းနိုင်ပါသည်။

[English Below]

အပြည်ပြည်ဆိုင်ရာလေကြောင်းခရီးစဉ်ပြေးဆွဲခွင့် ရပ်ဆိုင်းခြင်းကာလအား ၂၀၂၂ ခုနှစ်၊ ဖေဖော်ဝါရီလ (၂၈) ရက်နေ့ထိ တိုးမြှင့်သတ်မှတ်

မြန်မာနိုင်ငံ လေကြောင်းပိုဆောင်ရေးညွှန်ကြားမှုဦးစီးဌာန၏ ၂၀၂၂ ခုနှစ်၊ ဇန်နဝါရီလ (၃၁) ရက်နေ့ ထုတ်ပြန်ချက်အရ ရန်ကုန်အပြည်ပြည်ဆိုင်ရာလေဆိပ်၌ အပြည်ပြည်ဆိုင်ရာခရီးသည်တင်လေယာဉ်များ ပျံသန်းပြေးဆွဲခွင့်ကန့်သတ်ချက်ကို ၂၀၂၂ ခုနှစ်၊ ဖေဖော်ဝါရီလ (၂၈) ရက်နေ့၊ မြန်မာစံတော်ချိန် ၂၃၅၉ နာရီ အထိ ထပ်မံတိုးမြှင့်လိုက်သည်။

မြန်မာနိုင်ငံအတွင်း COVID-19 ရောဂါ ကူးစက်ပြန့်ပွားမှုကို ထိရောက်စွာထိန်းချုပ်နိုင်ရန် မူလသတ်မှတ်ထားသည့် ရပ်ဆိုင်းခြင်းကာလကို ထပ်မံတိုးမြှင့်ရန် မြန်မာနိုင်ငံ COVID-19 ကာကွယ်၊ ထိန်းချုပ်၊ ကုသရေးဆိုင်ရာ ဗဟိုကော်မတီမှ သဘောတူဆုံးဖြတ်လိုက်သည်။

ခရီးသည်များအနေဖြင့် မိမိတို့၏ ခရီးစဉ်များနှင့် ပက်သက်ပြီး သိရှိလိုသည်များကို သက်ဆိုင်ရာ လေကြောင်းလိုင်းများထံသို တိုက်ရိုက်စုံစမ်းမေးမြန်းနိုင်ပါသည်။

[English Below]

ကူးစက်မြန်ကပ်ရောဂါ COVID-19 ကာကွယ်၊ ထိန်းချုပ်၊ ကုသရန် အတွက် ဆေးဘက်ဆိုင်ရာ အထောက်အကူပြုပစ္စည်းများ သယ်ဆောင်လာသည့် China Southern Airlines လေယာဉ်အား ရန်ကုန်အပြည်ပြည်ဆိုင်ရာလေဆိပ်မှ ကြိုဆို

မြန်မာနိုင်ငံတွင်လည်း ကြုံတွေခံစားနေရသော ကူးစက်မြန် ကမ္ဘာ့ကပ်ရောဂါ COVID-19 ကို ကာကွယ်၊ ထိန်းချုပ်၊ ကုသရန် အတွက် တရုတ်ပြည်သူ့သမ္မတနိုင်ငံမှ မြန်မာနိုင်ငံသို့ ပေးပို့လှူဒါန်းသော ဆေးဘက်ဆိုင်ရာ အထောက်အကူပြုပစ္စည်းများ သယ်ဆောင်လာသည့် China Southern Airlines လေယာဉ်အမှတ် CZ-8083 အား ရန်ကုန်အပြည်ပြည်ဆိုင်ရာလေဆိပ်တွင် (၂၀၂၁) ခုနှစ်၊ ဒီဇင်ဘာလ (၂၂) ရက်နေ့တွင် လက်ခံကြိုဆိုခဲ့ပါသည်။

ကမ္ဘာတဝှမ်း ကူးစက်မြန် ကမ္ဘာ့ကပ်ရောဂါ ကြုံတွေ့ခံစားနေရသောအချိန်တွင် မြန်မာနိုင်ငံအတွင်း Covid-19 ရောဂါ ကာကွယ်၊ ထိန်းချုပ်၊ ကုသရန်အတွက် အလွန်အရေးပါသည့် ကယ်ဆယ်ရေးနှင့် ကုန်တင်လေယာဉ်များကို ဝန်ဆောင်မှုပေးနေခြင်းဖြင့် ပြည်သူများအတွက် တစ်ဖက်တစ်လမ်းမှ ပါဝင်ခွင့်ရသည့်အတွက် Yangon Aerodrome Company Limited (YACL) မှ အထူး ဂုဏ်ယူမိပါသည်။